Yislu al Costa

17 Dec

Yislu al Costa

Doarme Costa-n protlu somnu: –
Ma pi-aghalea, nu strigaţ ;
Doarme Costa mintimenlu,
Ma mutriţ s-nu-l diştiptaţ.
Doarme Costa şi-nyiseadză,
Că din ţer taha s-dipuse
Aghiul Petru, hrisusitlu,
Şi la Costa ndreptu s-duse.
Aghilu l’i dzâţe : “Ţâne, Costa ;
Ia dişcl’ide mâna ghine.
Nau’ flurii ţ-aduc pişchese,
Ca di vrearea ţi-am tri tine”.
“Nica ună”, Costa greaşte ;
“S-facă dzaţe, aghisite.
Nu ti mâcă pi pâzare,
Dzaţe suntu uidusite”.
“Nu , nu-am alte, ma ţ-agiungu ;
Noauă, Costa, nu-s puţâne”.
“Bre ţi şcl’inciu”, faţe Costa ;
“Nu ti şteam aşi pri pâne”.
Bre că s-faţe, că nu s-faţe,
Cu Sân-Chetru cum zburaşte,
Cum tot caftă , cum s-âncace,
Costa somnul ayuneaşte.
Şi s-dişteaptă, veade-n mână :
Di flurii nu-i niţi urmă.
Ca pălit arsare Costa
şi asudoare greauă l-curmă.
“Bre, ţe-adrai !” ‘şi strigă singur ;
“Fui chirut şi giumitate:
Lu năirii pi Sântul -Petru
Şi-ńi-li lo fluriili toate.
Stăi că-l fac ca s-vină iara;
Hai, să-ńi da cât l’i-easte vrearea.
Noauă dzâseshi? Noauă s-hibă.
Maşi s-nu aspardzim noi păzarea”.

Anunțuri

Lasă un răspuns

Completează mai jos detaliile tale sau dă clic pe un icon pentru a te autentifica:

Logo WordPress.com

Comentezi folosind contul tău WordPress.com. Dezautentificare / Schimbă )

Poză Twitter

Comentezi folosind contul tău Twitter. Dezautentificare / Schimbă )

Fotografie Facebook

Comentezi folosind contul tău Facebook. Dezautentificare / Schimbă )

Fotografie Google+

Comentezi folosind contul tău Google+. Dezautentificare / Schimbă )

Conectare la %s

%d blogeri au apreciat asta: