Nu ti hăriseşti că-ńi vini orixea?

17 Dec

Nu ti hăriseşti că-ńi vini orixea?

 

Nu ti hăriseşti că-ńi vine orixea?

Era veara, ńiadză-veară,
Ş-pri tu câmpu, tu căroare,
Trec Armâńil’i, cărvănarl’ii,
Nu s-imna di multu soare.
„- Aide Bal’io, aide Alcio…”
Şi ma nclo di năşi-ş treaţe
C-ună pită mare-n mănă
Nă mul’iare ditu greaţe.
Veade unlu ş-dzăţe: „frate
Făţeţ haze şi videţ
Pita cum va l’i-u călescu
Mutrits tora şi tăţets.”
S-duţe omlu l’ia tâmbarea
Di cărvane s-dipărteadză
S-tinde-anaschilea în pade
Ş-avdză-l tora cum uhteadză:

„- Lele mamă, lele soră,
S-vă videare ninga n-oară
Dinlu-a vostru prucupsitlu,
Că diparte el va-ş moară.”

Şi ncăneaşti ş-tot uhteadză;
„- Oh, măratlu-ńi, mi tuchii
Me-arse heavra, ńi-măcă bana
Lailu-ńi corbu, ah! murii.”
Avde greaca şi s-aproache
Ca s-lu veadă şi s-lu ntreabă
Vedz tu inimă, nihita,
Nu şi-era mul’iare slabă.
„- Ţe-ai, Armâne, ţi ti doare,
Ţi ncăneşti ş-ţi uhtedzi?”
„- Nu mi ntreabă, mori crăştină,
Nu mi ntreabă,-aşi-ńi bănedz.
Di trei dzăli ş-patru nopţi
Ni-am biută, ni-am măcată.
Ńi-arde inima, mul’iare,
Limba-n gură u-am uscată.”
Bagă Greaca pita-n pade.
„L’ia-ţ puţănă, cărvănare,
Vedz di măcă, vedz di ngl’ită
Easte bună, lucru mare.”
Nica n-oară nipututlu
Dit hicate maş uhteadză
„- Ia s-videarim, mori crăştină”
Ş-ca cu zore si-mprusteadză.
Şi-feaţe cruţea, tinde măna
l’ia nă ńică măşcătură
Narga, narga, şi cu greaţă
Ciumuleaşte el ăn gură.

„- Easte buna,” dzăţe omlu,
„Ved că orixea va-ńi vină
Dumidzălu s-ţi-u păltească
Dau ti ună, lea crăştină.”
L’ia ş-arupe, măcă ş-măcă,
S-duse pita-n giumitate
Feaţe cursul tu măcare
Vine-a omlui sănătate.
„- Nu bun lucru,” dzăţe Greaca,
„Ved c-Armânlu nu-are saţ
Ţi va s-dzăcă-aţel’i din cămpu,
Ţi va s-măcă-a meu bărbat?”
„- Ma pe-agalea, cărvănare,
Măşcăturle ma puţăne.
Cum faţ tini, ti la agru
Ună sărmă nu şi-armăne.”
„- Ah! Crăştină, vlughimenă,
Cum di nu ti hăriseşti
Că, de, orixea îńi vine
Ma ti agru mindueşti?”

 

Anunțuri

Lasă un răspuns

Completează mai jos detaliile tale sau dă clic pe un icon pentru a te autentifica:

Logo WordPress.com

Comentezi folosind contul tău WordPress.com. Dezautentificare / Schimbă )

Poză Twitter

Comentezi folosind contul tău Twitter. Dezautentificare / Schimbă )

Fotografie Facebook

Comentezi folosind contul tău Facebook. Dezautentificare / Schimbă )

Fotografie Google+

Comentezi folosind contul tău Google+. Dezautentificare / Schimbă )

Conectare la %s

%d blogeri au apreciat asta: